Միջոցառումներ

Արդեն 12 տարի Տաթևում կազմակերպվում են ազգային և միջազգային մակարդակի բազմաթիվ միջոցառումներ, մասնավորապես.
  • «ՏաԹևեր» կայարանների, Տաթևի վանքի և «Հին Հալիձոր» լքված գյուղի մոտ 2023 թվականին կազմակերպված «Սարերում» խորագրով փառատոնը՝ երկու օրում ավելի քան 2000 հյուրերով։
  • Երաժշտության փառատոնը, որը կազմակերպվել է 2022 թվականի հուլիսին, երկու օրվա ընթացքում հավաքել է մոտ 2000 հյուր։
  • «Մենք ենք, մեր սարերը» փառատոնը կազմակերպվել է «ՏաԹևեր» կայարանի մոտ 1000-ից ավելի հյուրերով։
  • «Ավրորա» ֆորումի շրջանակներում 2019 թվականին Տաթևի վանքում կազմակերպվել է Կոմիտասի ծննդյան 150-ամյակին նվիրված միջոցառում։
  • Ռադիո Ֆրանսի և Տաթևի վանքի մանկական երգչախմբերի «Le chant d'archak» համերգը.
  • Վանքի բակում արդեն մի քանի տարի նշվում է Տրնդեզի տոնը։
  • Տարեկան ամանորյա ներկայացումներ տեղի երեխաների համար
  • Հայկական պետական ​​ակադեմիական մատուռի համերգ Տաթևի վանքի բակում
  • Մուտք գործեք միջազգային լրատվամիջոցների, ինչպիսիք են CNN-ը, Forbes USA-ն, իտալական Rai-ն, բրիտանական Thomson Reuthers-ը, El Publico-ն, Die Press-ը, Conde Nast Traveler-ը, Robb Report-ը և շատ ավելին:
  • Շառլ Ազնավուրի, Մագնուս Կարլսենի և Լևոն Արոնյանի, բարոն Էրիկ դե Ռոթշիլդի, Կոմիտասի քառյակի, Մ. Օրզոյան քառյակի, երգիչ Շոնի, ռեժիսոր Ստաս Նամինի և շատ ուրիշների այցերը։
  • Երեք տարի անընդմեջ կազմակերպվել են ոչխարների խուզման փառատոներ, որոնց մասնակցել է ավելի քան 8000 հյուր։
  • Կազմակերպվել է BASE jump փառատոնը, որին մասնակցել է 400 մարդ 8 երկրից։
  • 2010 թվականին «ՏաԹևեր» ճոպանուղու հանդիսավոր բացումը համախմբեց դոնորների, միջազգային փորձագետների, հյուրերի, տեղական և միջազգային լրատվամիջոցների և կառավարության ներկայացուցիչներ:
 
ՏաԹևերը ճանաչվել է աշխարհի լավագույն ճոպանուղին
 
ՏաԹևեր ճոպանուղին չորրորդ անգամ արժանացել է հեղինակավոր միջազգային World Travel Awards մրցանակին՝ հաղթելով աշխարհի առաջատար ճոպանուղի անվանակարգում։ Հայկական ճոպանուղին այս տարի ևս գերազանցել է մրցակիցներին Բոլիվիայից, Բրազիլիայից, Վիետնամից, Կանադայից, Նոր Զելանդիայից, ԱՄՆ-ից և ՀԱՀ-ից։ Նախկինում ՏաԹևերը հաղթանակ էր բերել Հայաստանին այս անվանակարգում՝ 2024, 2023 և 2021 թվականներին։
 
Բաց քվեարկության արդյունքներով ՏաԹևերի հաղթանակը հայտարարվել է Բահրեյնում World Travel Awards 2025 պաշտոնական մրցանակաբաշխության ժամանակ։
 
Այս տարի ՏաԹևերը նշում է իր հիմնադրման 15-ամյակը։ Գործարկումից ի վեր ճոպանուղին դարձել է Հայաստանի զբոսաշրջության գլխավոր խորհրդանիշներից մեկը։ Ռուբեն Վարդանյանի նախաձեռնությամբ կառուցված և Գինեսի ռեկորդների գրքում որպես աշխարհի ամենաերկար հետադարձելի մարդատար ճոպանուղի (5752 մետր) գրանցված այս նախագիծն առանցքային նշանակություն է ունեցել ոչ միայն Սյունիքի մարզի, այլև ողջ Հայաստանի զարգացման համար՝ բարձրացնելով երկրի զբոսաշրջային գրավչությունը։ Այսօր Հայաստան եկող յուրաքանչյուր 5-րդ զբոսաշրջիկ այցելում է Սյունիք, իսկ մարզ այցելողների զբոսաշրջային հոսքն աճել է 17 անգամ։
 
Տաթևերը ոչ միայն զբոսաշրջիկներին տանում է Հայաստանի ամենագեղեցիկ անկյուններից մեկը, այլև ուղեկցում է դեպի միջնադարյան Տաթևի վանք՝ նոր կյանք հաղորդելով տարածաշրջանին և այն վերածելով ճանապարհորդների, մշակութային նախաձեռնությունների ու տեղական բիզնեսների համար ձգողականության կենտրոնի։ Ծրագրի շնորհիվ տարածաշրջանում մասնավոր հատվածի ներդրումներն աճել են 11 անգամ։ Զբոսաշրջային հոսքերի աճը նպաստել է հյուրանոցային ենթակառուցվածքների զարգացմանը․ Տաթևի և Գորիսի շրջակայքում բացվել է B&B ձևաչափի շուրջ 40 նոր հյուրատուն։
 
Տաթևեր ճոպանուղին կառուցվել է Ռուբեն Վարդանյանի և Վերոնիկա Զոնաբենդի նախաձեռնած Տաթևի վերածնունդ ծրագրի շրջանակում՝ միավորելով հազարավոր նվիրատուների, շինարարների և կամավորների ջանքերը՝ հանուն Սյունիքի զբոսշրջային և սոցիալ-տնտեսական զարգացմանը։ Ծրագրի ամբողջ հասույթն ուղղվում է Տաթևի վանքի վերականգնմանը և Տաթև համայնքի զարգացմանը։
 
World Travel Awards մրցանակը համարվում է զբոսաշրջության ոլորտի ամենահեղինակավոր միջազգային մրցանակներից մեկը։ Այն ամեն տարի ճանաչում և պարգևատրում է համաշխարհային զբոսաշրջության ու հյուրընկալության ոլորտներում ակնառու նվաճումները։ Մրցանակը հաճախ անվանում են զբոսաշրջային Օսկար, քանի որ այն շնորհվում է ոլորտի լավագույն նախագծերին՝ կատարելագործման ձգտման, բարձրակարգ սպասարկման և նորարարական մոտեցումների համար։ 
 

Ինչով զբաղվել

Իմացիր ամեն ինչ Ինչով զբաղվել -ի մասին հետևյալ բաժիններում։